അങ്കമാലി: മുസ്ലീം ലീഗ് സംസ്ഥാന അദ്ധ്യക്ഷനും സമസ്ത കേരള ജംഇയ്യത്തുല് ഉലമ സംസ്ഥാന വൈസ് പ്രസിഡന്റുമായ ഹൈദരലി ശിഹാബ് തങ്ങള് (74) അന്തരിച്ചു. വയറ്റില് അര്ബുദം ബാധിച്ചതിനേത്തുടര്ന്നാണ് അന്ത്യം. അങ്കമാലി ലിറ്റില് ഫഌവര് ആശുപത്രിയില് രണ്ടാഴ്ച്ചയായി ചികിത്സയിലായിരുന്നു. നേരത്തെ കോഴിക്കോട് മിംസ് ആശുപത്രിയില് ചികില്സയിലായിരുന്നു ഹൈദരലി തങ്ങള്. തുടര്ന്ന് ആയുര്വേദ ചികില്സയ്ക്കായി കോട്ടക്കലിലെ ആശുപത്രിയിലെത്തിച്ചിരുന്നു.
എറണാകുളത്തെ സ്വകാര്യ ആശുപത്രിയിൽ വച്ചായിരുന്നു അന്ത്യം. മൃതദേഹം ഇന്ന് (ഞായർ) ഉച്ചയ്ക്ക് 2.30 ന് തൃശൂരിലെ മുസ്ലീം ലീഗ് ജില്ല കമ്മിറ്റി ഓഫീസിലും വൈകീട്ട് 5 ന് മലപ്പുറം ജില്ല ഓഫീസിലും പൊതു ദർശനത്തിന് വെക്കും. നാളെ 9 നാണ് ഖബറടക്ക ചടങ്ങുകൾ.
