ദോഹ: മെയ് 6 മുതൽ 9 വരെ ദുബൈ വേൾഡ് ട്രേഡ് സെന്ററിൽ നടക്കുന്ന അറേബ്യൻ ട്രാവൽ മാർക്കറ്റിൽ ഖത്തറിലെ ടൂറിസം സാധ്യതകൾ അവതരിപ്പിക്കാനൊരുങ്ങി വിസിറ്റ് ഖത്തർ. ട്രാവൽ, ടൂറിസം വ്യവസായത്തിന് ഖത്തർ വാഗ്ദാനം ചെയ്യുന്ന ലക്ഷ്യസ്ഥാനങ്ങളും സൗകര്യങ്ങളും പ്രദർശിപ്പിക്കുന്നതിനായി ടൂറിസം മേഖലയിലെ 43 പ്രതിനിധികൾ അടങ്ങുന്ന വൈവിധ്യമാർന്ന പ്രതിനിധി സംഘത്തെ വിസിറ്റ് ഖത്തർ നയിക്കും. വിനോദസഞ്ചാര വിപണിയിലെ പുതിയ മേഖലകൾ പര്യവേക്ഷണം ചെയ്യാനും സഹകരണത്തിന്റെ നേട്ടങ്ങൾ ഉയർത്തിക്കാട്ടാനും ടൂറിസം മേഖലയിൽ അധിക നിക്ഷേപം ആകർഷിക്കാനും പ്രദർശകർക്ക് അവസരം ലഭിക്കും.
