ട്രാഫിക് ലംഘനങ്ങൾക്കുള്ള പിഴകളിൽ നൽകി വരുന്ന 50% കിഴിവ് ഓഗസ്റ്റ് 31 വരെ മാത്രമാണെന്ന് ആഭ്യന്തര മന്ത്രാലയം സോഷ്യൽ മീഡിയയിൽ ഓർമ്മിപ്പിച്ചു. 2024 സെപ്‌റ്റംബർ 1 മുതൽ പ്രാബല്യത്തിൽ വരുന്ന പുതിയ നിയമം പ്രകാരം, എല്ലാ പിഴകളും കുടിശ്ശികയുള്ള പേയ്‌മെൻ്റുകളും അടയ്‌ക്കുന്നതു വരെ, ഗതാഗത ലംഘനമുള്ള വ്യക്തികളെ ഖത്തറിന് പുറത്തേക്ക് ഏതെങ്കിലും അതിർത്തികളിലൂടെ (കര, വായു, കടൽ) യാത്ര ചെയ്യാൻ അനുവദിക്കില്ല.
2024 ഓഗസ്റ്റ് 31 വരെ തുടരുന്ന ഇളവിൽ, ഖത്തർ പൗരന്മാർക്കും താമസക്കാർക്കും സന്ദർശകർക്കും പുറമെ, ഗൾഫ് സഹകരണ കൗൺസിൽ രാജ്യങ്ങളിലെ പൗരന്മാർക്കും എല്ലാ മോട്ടോർ വാഹനങ്ങൾക്കും ട്രാഫിക് പിഴയിൽ 50% കിഴിവ് നൽകുമെന്ന് MoI പറഞ്ഞു. സീറ്റ് ബെൽറ്റ് ധരിക്കുക, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നത് ഒഴിവാക്കുക തുടങ്ങിയ ട്രാഫിക് സുരക്ഷാ നിയമങ്ങൾ പാലിക്കണമെന്ന് മന്ത്രാലയം ജനങ്ങളോട് അഭ്യർത്ഥിച്ചു.
