ദോഹ. ഖത്തറിലെ ഇന്ത്യൻ എംബസിക്ക് കീഴിലുള്ള അപെക്‌സ്‌ ബോഡികളായ ഇന്ത്യൻ കൾചറൽ സെന്റർ, ഇന്ത്യൻ കമ്മ്യൂണിറ്റി ബനവലന്റ് ഫോറം, ഇന്ത്യൻ സ്പോർട്‌സ് സെന്റർ എന്നിവയിലേക്കുള്ള തെരഞ്ഞെടുപ്പ് ഇന്ന് നടക്കും.
രാവിലെ 8 മണി മുതൽ വൈകുന്നേരം 6 മണി വരെയാണ് വോട്ടിംഗ് സമയം. right2vote എന്ന ആപ്പിലൂടെ ഓൺ ലൈൻ ആയാണ് വോട്ടെട്ടുപ്പ് നടക്കുക. വോട്ടർമാർക്ക് ഔദ്യോഗിക ഇമെയിലിൽ വോട്ട് ചെയ്യുന്നതിനുള്ള ലിങ്ക് അയച്ചാണ് വോട്ടിംഗ് ക്രമീകരിക്കുന്നത്.ഓൺ ലൈനിലായതിനാൽ ഖത്തറിലില്ലാത്ത വർക്കും വോട്ടുചെയ്യാം.
