ദോഹ. ഖത്തറിൽ റസിഡൻസി നിയമം ലംഘിച്ച് കഴിയുന്നവർക്ക് ശിക്ഷ കൂടാതെ രാജ്യം വിടാൻ അവസരം. ഇന്ന് മുതൽ മൂന്ന് മാസത്തേക്ക് ആഭ്യന്തര മന്ത്രാലയം ഗ്രേസ് പിരിയഡ് പ്രഖ്യാപിച്ചു. റെസിഡൻസിയുമായി ബന്ധപ്പെട്ട നിയമത്തിലെ വ്യവസ്ഥകൾ ലംഘിക്കുകയോ എൻട്രി വിസ പ്രകാരം രാജ്യത്ത് അവരുടെ അംഗീകൃത കാലയളവ് കവിയുകയോ ചെയ്തവർക്ക് ഇത് ബാധകമാണെന്ന് മന്ത്രാലയം.
ഗ്രേസ് പിരീഡ് 2025 ഫെബ്രുവരി 9 ഞായറാഴ്ച ആരംഭിക്കുമെന്നും മൂന്ന് മാസത്തേക്ക് തുടരുമെന്നും ഇത് കൂട്ടിച്ചേർത്തു. നിർദ്ദിഷ്ട കാലയളവിനുള്ളിൽ പുറപ്പെടൽ നടപടിക്രമങ്ങൾ പൂർത്തിയാക്കാൻ. നിയമ ലംഘകർക്ക് ഹമദ് ഇന്റ്റർനാഷണൽ എയർപോർട്ടിലേക്ക് പോകാം അല്ലെങ്കിൽ സൽവ റോഡിലെ സെർച്ച് ആൻഡ് ഫോളോ-അപ്പ് ഡിപ്പാർട്ട്മെന്റിനെ സമീപിക്കാമെന്ന് മന്ത്രാലയം അറിയിച്ചു.
