ലെജ്ബൈലാത്ത് ഇന്റർസെക്ഷനിൽ നിന്ന് വരുന്നതും ടെലിവിഷൻ ഇന്റർസെക്ഷനിലേക്ക് പോകുന്നതുമായ അബ്ദുൽ അസീസ് ബിൻ ജാസിം സ്ട്രീറ്റിലെ രണ്ട് സ്ലോ ലെയ്നുകൾ താൽക്കാലികമായി അടച്ചിടുമെന്ന് പൊതുമരാമത്ത് അതോറിറ്റിയായ അഷ്ഗാൽ അറിയിച്ചു.
റോഡ് വികസന പ്രവർത്തനങ്ങൾക്കായി നവംബർ 14 വെള്ളിയാഴ്ച പുലർച്ചെ 12 മണി മുതൽ നവംബർ 16 ഞായറാഴ്ച പുലർച്ചെ 5 മണി വരെയാവും അടച്ചിടൽ. വേഗത പരിധികൾ ശ്രദ്ധാപൂർവ്വം നിരീക്ഷിക്കാനും ലഭ്യമായ എല്ലാ പാതകളും ഉപയോഗിക്കാനും അല്ലെങ്കിൽ ലക്ഷ്യസ്ഥാനങ്ങളിൽ എത്താൻ സമീപത്തുള്ള ഇതര റൂട്ടുകളിലേക്ക് വഴിതിരിച്ചു വിടുന്നത് പരിഗണിക്കാനും അഷ്ഗാൽ റോഡ് ഉപയോക്താക്കളോട് അഭ്യർത്ഥിക്കുന്നു.
